Bakı. Orxan Nəbiyev - Trend:
Hindistanın qərbindəki Maharaştra ştatında xəstəxanaların birində baş vermiş yanğın nəticəsində azı 10 körpə həlak olub.
Trend-in məlumatına görə, yanğın xəstəxananın yeni doğulan körpələrə qulluq şöbəsində baş verib.
Hadisə zamanı içəridə 17 körpə olub. 7 körpəni xilas etmək mümkün olub. Ölənlərdən ən kiçiyi bir neçə günlük, ən böyüyü isə 3 aylıq olub.
İlkin ehtimallara görə, yanğına elektrik şəbəkəsində qısaqapanma səbəb olub.