Bakı. Trend:
2026-cı ilin ilk rübündə Azərbaycan neftinin reallaşmış orta qiyməti 79,5 dollar olub. Bu rəqəm 2025-ci ilin eyni dövrü ilə müqayisədə 7% çoxdur.
Trend-in tədbirdəki müxbiri xəbər verir ki, bunu bu gün Azərbaycan Mərkəzi Bankının (AMB) Statistika departamentinin direktoru Samir Nəsirov 2025-ci ilin yekunlarına dair tədiyə balansının açıqlanmasına həsr olunmuş brifinqdə deyib.
"Azərbaycan qazının ixrac olunmuş min kubmetri 268 dollar təşkil edib, - o bildirib.
Qeyd edək ki, 2026-cı ilin I rübü üzrə tədiyə balansı qlobal
əmtəə, xidmət və maliyyə bazarlarındakı qiymət və indekslərin
yüksək dəyişkənliyindən təsirlənib. Bu dövrdə cari əməliyyatlar
balansında 1.7 milyard dollar həcmində profisit formalaşıb, kapital
və maliyyənin hərəkəti balansı üzrə xalis xarici maliyyə aktivləri
0.2 milyar dollar artıb, xalis xarici maliyyə öhdəlikləri isə 2
milyard dollar azalıb. Hesabat dövründə cari əməliyyatlar
balansının profisitinin ÜDM-ə nisbəti 9.5% təşkil edib ki, bu da
makroiqtisadi sabitlik baxımından müsbət haldır. Dövr ərzində
ölkənin ehtiyat
aktivlərinin reallaşmış hissəsi təqribən 0.3 milyard dollar azalıb.
Lakin, ölkənin strateji valyuta aktivləri dövrün sonuna 117.4
milyon dollar artaraq 85.2 milyard dollara çatıb ki, bu da ölkənin
makroiqtisadi dayanıqlığının daha da gücləndiyini və maliyyə
resurslarının genişləndiyini göstərir. Bu dövrdə xam neftin orta
qiyməti 79.5 dollar/barel olub.
