Bakı. Trend:
Venesiya kinofestivalının əsas mükafatı olan “Qızıl şir”in qalibi amerikalı rejissor Laura Poytrasın “Bütün gözəllik və qan tökülməsi” filmi olub.
Trend-in məlumatına görə, 79-cu Venesiya Beynəlxalq Film Festivalının mükafatlandırma mərasimi Lido adasındakı ən qədim film nümayişinin əsas yerində keçirilib. Baş mükafat uğrunda 23 film yarışıb.
İtaliyalı Luka Quadaqnino "Bütünlüklə" əsərinə görə "Gümüş şiri"ə layiq görülüb.
Münsiflər heyətinin Qran Prisinə Fransadan olan rejissor Elis Diopun çəkdiyi “Müqəddəs Ömər” filmi layiq görülüb. Həmçinin Fransalı rejissor “Gələcəyin şiri” festivalının mükafatının da qalibi oldu.