Bakı. Trend:
Sinqapur Respublikasında robot polislər fəaliyyətə başlayıb.
Trend xarici KİV-ə istinadən bildirir ki, robotlar 5 illik sınaqdan sonra Sinqapur Polis Qüvvələrinə qoşulublar.
Hazırda robot polislər Sinqapur Hava Limanında fəaliyyət göstərirlər.
Sərnişinlər deyirlər ki, təxminən 2 metr hündürlüyü olan robotlara “diqqət etməmək çətindir” və onlar “Qara Güzgü" serialının reallaşdığı hissini oyadırlar.
Sinqapur polisi isə bildirib ki, robotlar aprel ayından terminalda yaxşı i ortaya qoyublar, ona görə də bu polislər yaxında mərhələli olaraq 5 milyondan çox əhalisi olan ölkənin hər yerinə yerləşdiriləcəklər.
Xatırladaq ki, Sinqapurda daha öncə də koronavirus zamanı hava limanında sosial məsafə qaydalarına nəzarət etmək üçün robot itlərdən istifadə edilmişdi.