Bakı. Trend:
Mahaçqalada yanacaqdoldurma məntəqəsində baş verən partlayış nəticəsində ölənlərin sayı 35-ə çatıb.
Trend xəbər verir ki, hadisə nəticəsində 80 nəfərin xəsarət aldığı bildirilib.
“Hazırda 63 nəfər, o cümlədən 16 uşaq stasionar müalicədədir. Xəsarət alanlardan 2-si uşaq olmaqla 11 nəfərin vəziyyəti ağır qiymətləndirilir. Daha 17 nəfərə ambulator tibbi yardım göstərilib”, - deyə Səhiyyə Nazirliyinin məlumatında qeyd olunub.
xxx
04:18
Mahaçqalada yanacaqdoldurma məntəqəsində baş vermiş partlayışda ölənlərin sayı artıb.
Trend xəbər verir ki, hadisə nəticəsində 25 nəfər həlak olub, 60-dan çox insan yaralanıb.
XXX
00:41
Rusiyanın Dağıstan Respublikasının paytaxtındakı Mahaçqala şəhərində yanacaqdoldurma məntəqəsində partayış baş verib.
Trend xəbər verir ki, hadisə nəticəsində 5 nəfər ölüb, 20-dən çox insan yaralanıb.
Partlayış yerinə fövqəladə hallara müdaxilə xidmətləri cəlb olunub.