Bakı. Trend:
Rusiya paytaxtı Moskvanın Basman Rayon Məhkəməsi Mahaçqalada yanacaqdoldurma məntəqəsində onlarla insanın ölümü ilə nəticələnən yanğınla bağlı təqsirləndirilən Eldar Nəsrulayevi iki ay müddətinə həbs edib.
Trend xarici KİV-ə istinadən xəbər verir ki, onun barəsində oktyabrın 14-dək həbs qətimkan tədbiri seçilib.
Məhkəmə iclası təqsirləndirilən şəxslərin və yaxınlarının təhlükəsizliyini təmin etmək məqsədilə qapalı keçirilib.
Xatırladaq ki, avqustun 15-də Mahaçqalada yanacaqdoldurma məntəqəsində partlayış baş verib. Hadisə nəticəsində aralarında uşaqlar da olmaqla, 35 nəfər həlak olub, 100-dən çox insan yaralanıb.