Bakı. Trend:
Yunanıstanın 6 bölgəsi və 84 bələdiyyə başçısının seçiləcəyi bələdiyyə və regional seçkilərin ikinci turu Yunanıstanda keçiriləcək.
Trend-in məlumatına görə, seçki məntəqələri yerli vaxtla saat 07:00-da açılacaq və saat 19:00-a qədər açıq qalacaq.
Qeyd edək ki, oktyabrın 8-də keçirilən birinci turda Yunanıstanın 13 bölgəsindən 7-nin (Attica metropoliten ərazisi, Krit, Qərbi Yunanıstan, Mərkəzi Yunanıstan, Mərkəzi Makedoniya, Epirus, Cənubi Egey adaları) qubernatorları seçilib.
Onların böyük əksəriyyətini hakim sağ mərkəzçi Yeni Demokratiya partiyasının nümayəndələri qazanıblar.