Bakı. Trend:
"Koroğlu” metrostansiyasının cənub çıxışında yeni nəqliyyat mübadilə mərkəzinin yaradılması metronun şimal çıxışında hazırda mövcud olan nəqliyyat mübadilə mərkəzinin ləğvini nəzərdə tutmur.
Bu barədə Trend-ə Azərbaycan Yerüstü Nəqliyat Agentliyindən məlumat verilib.
"Mövcud nəqliyyat mübadilə mərkəzi öz fəaliyyətini davam etdirəcək və sökülməyəcək.
Yeni mübadilə mərkəzi sərnişinlərin rahat gediş-gəlişinin təmin edilməsi və ictimai nəqliyyata əlçatanlığın artırılmasına xidmət edəcək", - agentlikdən qeyd edilib.