Bakı. Trend:
Türkiyədə qadın cinayətləri üçün edam cəzasının bərpa olunması təklif edilib.
Trend Türkiyə KİV-inə istinadən xəbər verir ki, bu barədə Türkiyə Ali Apellyasiya Məhkəməsinin Baş Prokuroru Bekir Şahin deyib.
Hazırda ən ağır cəzanın ağırlaşdırılmış ömürlük həbs olduğunu deyən baş prokurorun sözlərinə görə, təqsiri sübuta yetirilən şəxsə edam cəzası verilməlidir:
"Bəzi təqsirlərə görə edam olmalıdır. Hamilə qadını saysız-hesabsız bıçaq zərbələri ilə qətlə yetirən şəxsə ağırlaşdırılmış həbs yerinə edam cəzası verilməlidir. Ağırlaşdırılmış ömürlük həbs çəkindirici deyil".