Bakı.Trend:
ABŞ-nin Dövlət departamenti iqlim dəyişikliyi ilə mübarizə üzrə beynəlxalq danışıqlara vasitəçilik edən büronu bağlayacaq.
Trend xəbər verir ki, bu barədə xarici KİV-lər məlumat yayıb.
Məlumata görə, bu qərar büronun əməkdaşlarına aprelin 24-də bildirilib. Lakin onun fəaliyyətinin tam dayandırılacağı tarix hələlik açıqlanmayıb.
Dövlət Departamentinin nümayəndəsi büronun ləğv prosesində olduğunu təsdiqləyib və bunun Donald Trampın ABŞ-nin iqlim dəyişikliyi ilə mübarizəyə dair beynəlxalq razılaşmalarda iştirakını dayandırmaq göstərişi ilə əlaqələndirib.
Dövlət katibi Marko Rubionun büronu bağlamaq qərarı əməkdaşlar arasında ciddi narazılıq doğurub.