Bakı. Trend:
İspaniyanın “Real” klubunda çıxış edən Fransa millisinin kapitanı, fransız hücumçu Kilian Mbappe zədələndiyi üçün 2026-cı il futbol üzrə dünya çempionatının seçmə mərhələsində Azərbaycanın milli komandasına qarşı keçiriləcək səfər oyununu buraxacaq.
Trend bu barədə xarici KİV-ə istinadən xəbər verir.
Məlumata görə, Mbappe 16 noyabrda keçiriləcək matçda sağ topuq nahiyəsindəki zədəyə görə iştirak edə bilməyəcək.
Qeyd edək ki, Fransa millisi son oyunda Ukrayna komandasını 4:0 hesabı ilə məğlub edərək yarışın final mərhələsinə vəsiqə qazanıb. Seçmə mərhələnin başa çatmasına bir tur qalmış fransızlar 13 xal toplayaraq D qrupuna başçılıq edir. İkinci pillədə 7 xalla İslandiya millisi, onun ardınca isə Ukrayna (7 xal) və Azərbaycan (1 xal) yığmaları qərarlaşıb