Bakı. Trend:
Bakıda evə basqın edən oğru ev sahibəsini bıçaqlayıb.
Trend Daxili İşlər Nazirliyinin saytına istinadən xəbər verir ki, iyulun 27-də Binəqədi rayonu ərazisində yaşayan İradə Hüseynovanın mənzilinə aldatma yolu ilə girmiş naməlum şəxs ona bıçaqla xəsarət yetirib və oradan 110 manat pul aparıb.
İ.Hüseynova xəstəxanaya yerləşdirilib.
Binəqədi RPİ 5-ci PB əməkdaşlarının həyata keçirdikləri əməliyyat tədbirləri ilə hadisənin Bakı şəhər sakini Samir Rəşidov tərəfindən törədilməsi müəyyən edilib.
Binəqədi RPİ tərəfindən əməliyyat-axtarış tədbirləri aparılır.