Bakı. Yelena Kosolapova - Trend:
İyul ayında Avropa İttifaqı (Aİ) və Azərbaycan arasında strateji tərəfdaşlıq haqqında yeni sazişlə bağlı danışıqların növbəti mərhələsinin keçirilməsi planlaşdırılır.
Trend-in məlumatına görə, bunu jurnalistlərə Aİ-nin Azərbaycandakı nümayəndəliyinin birinci müşaviri Denis Danilidis deyib.
Onun sözlərinə görə, növbəti mərhələnin Bakıda və ya Brüsseldə keçiriləcəyi hələlik məlum deyil.
D.Danilidis xatırladıb ki, 13-14 iyun tarixlərində danışıqların ikinci mərhələsi baş tutub. “İki qrupda müzakirələr keçirildi – siyasi və ticarət-iqtisadi qruplarda. Danışıqlar uğurla keçdi. Hər iki tərəfin bu məsələdə maraqları var. Razılığın əldə olunması üçün tərəflər güzəştlərə hazırdır”.