Azərbaycan, Bakı, 1 dekabr /Trend, müxbir İlhamə İsabalayeva/
Azərbaycan sinoptikləri havanın pisləşəcəyinə dair xəbərdarlıq etdi.
Ekologiya və Təbii Sərvətlər Nazirliyinin Milli Hidrometeorologiya Departamentindən Trend-ə verilən məlumata görə, dekabrın 2-3-də ölkə ərazisində hava şəraitinin qeyri-sabit, soyuq keçəcəyi, şimal küləyinin güclənəcəyi, yağıntılı olacağı, dekabrın 3-də respublikanın bəzi rayonlarında sulu qara keçəcəyi gözlənilir.
Dekabrın 2-3-də dağlıq və dağətəyi rayonlarda qar yağacaq. Yağıntıların bəzi ərazilərdə intensivləşəcəyi ehtimal olunur.