Bakı. Azad Həsənli - Trend:
2016-cı ilin noyabrında BƏƏ-də Azərbaycan-BƏƏ ticari-iqtisadi əməkdaşlıq üzrə hökumətlərarası komissiyanın növbəti iclası keçiriləcək.
Trend-in məlumatına görə, bunu iqtisadiyyat naziri Şahin Mustafayev Ələt qəsəbəsində azad ticarət zonasının yaradılması üçün konsaltinq xidmətlərinin göstərilməsi haqqında sazişin imzalanmasına həsr olunmuş mərasimdə deyib.
Onun sözlərinə görə, Ələt qəsəbəsində azad ticarət zonasının yaradılması da həmin iclas zamanı müzakirə olunacaq.
Ş. Mustafayev qeyd edib ki, bu ilin 7 ayında BƏƏ ilə əmtəə dövriyyəsi 40 faizdən çox artıb: "Dünyada baş verən proseslərin ölkələr arasında əmtəə dövriyyəsinin inkişafına xidmət etmədiyini nəzərə alsaq, bu, çox yaxşı göstəricidir. Azərbaycan hökuməti və BƏƏ bu göstəricilərin yaxşılaşması üçün işlər aparır".