Bakı. Azad Həsənli - Trend:
Azərbaycan-Gürcüstan-Rumıniya boru kəmərləri sistemi (AGRI) layihəsi dondurulmayıb, lakin onun icrası üçün vaxt lazımdır.
Trend-in Rumıniya KİV-ə istinadən verdiyi məlumata görə, bu sözləri Dövlət Neft Şirkətinin (SOCAR) vitse-prezidenti Süleyman Qasımov deyib: "Bu layihə böyük investisiyalar tələb edir. Əvvəlcə Gürcüstanda, sonra Rumıniyada terminallar tikmək lazımdır. Bu, böyük xərclər tələb edir".
S.Qasımov SOCAR-ın hazırda TAP və TANAP kimi layihələrdə iştirak etdiyini vurğulayıb.
Digər tərəfdən o, AGRİ layihəsinin bütün iştirakçıların dəstəyi ilə icra oluna biləcəyini də deyib.