Azərbaycan, Bakı, 24 fevral /Trend/
Belarus "Eurovision 2012" mahnı müsabiqəsindəki təmsilçisini dəyişdi.
Trend-in cümə günü müsabiqənin rəsmi saytına istinadən yaydığı məlumata görə, ölkəni Bakı səhnəsində Alyona Lanskaya deyil, "Litesound" qrupu təmsil edəcək.
Belarus Televiziyasının məlumatına görə, qərar ölkə başçısının şəxsi göstərişinə əsasən dəyişdirilib.
Məlumata görə, səsvermənin nəticələrindən edilən şikayətlər araşdırılıb və bundan sonra Alyona Lanskayanın seçimlərində qeyri-obyektivliyə yol verildiyi üzə çıxıb.