Bakı. Trend:
Prezident İlham Əliyevin sərəncamı ilə İlqar Veysəl oğlu İsayev “Azərbaycan Sənaye Korporasiyası” ASC-nin baş direktor müavini təyin olunub.
Trend-in məlumatına görə, İlqar İsayev bu təyinatadək Maliyyə Nazirliyinin Sosial yönümlü layihələrin maliyyələşdirilməsi şöbəsinin müdiri vəzifəsində işləyib.
Qeyd edək ki, “Azərbaycan Sənaye Korporasiyası” ASC Azərbaycan Prezidenti İlham Əliyevin 6 noyabr 2017-ci il fərmanı ilə yaradılıb. Müəssisənin baş direktoru vəzifəsini Kamran Nəbizadə daşıyır.