Bakı. Samir Əli, Zaur Mustafayev - Trend:
Azərbaycan və Türkiyə hərbçilərinin iştirakı ilə bu möhtəşəm paraddan çox zövq aldıq.
Bunu Trend-ə Bakının bolşevik-daşnak işğalından azad edilməsinin 100-cü ildönümü münasibətilə Azadlıq meydanında keçirilən hərbi paradı izləyən Bakı sakini Afət Hüseynova deyib.
A.Hüseynova bildirib:
"Təşkil olunan paradı izlədik, zövq aldıq. Bu birgə parad Azərbaycan-Türkiyə xalqlarının qardaşlığından, əbədi birliyindən xəbər verir".
Qeyd edək ki, bu gün Bakının bolşevik-daşnak işğalından azad edilməsinin 100-cü ildönümü münasibətilə Azadlıq meydanında hərbi parad keçirilib.