Bakı. Trend:
Azərbaycan ərazilərinin işğalı dövründə "Söyüdlü", "Vejnəli", "Dəmirli" və "Qızılbulaq" yataqlarının qanunsuz istismarı ilə məşğul olan xarici şirkətlərin adları açıqlanıb.
Trend-in məlumatına görə, bu barədə Geoloji Kəşfiyyat Agentliyinin İdarə Heyətinin sədri Əli Əliyev jurnalistər üçün keçirilən brifinqdə məlumat verib.
O bildirib ki, sözügedən şirkətlər aşağıdakılardır:
"Kanadanın "Sterlite Gold" LTD və "First Dynesty Mines";
İsveçrənin "Base Metals", "Vallex Group";
Rusiyanın "Geopro Mayninq Gold Company";
İsveç və Lixtenşteynli sahibkarların ortaq olduğu Ermənistanın "Armenian Copper Programme";
ABŞ-nin "Global Gold";
Hindistanın "Vedanta Resourcess" şirkəti.
Qeyd edək ki, Geoloji Kəşfiyyat Agentliyinin İdarə Heyətinin sədri Əli Əliyev jurnalistlərə bildirib ki, azad edilmiş ərazilərdəki yataqların qanunsuz istimarı ilə bağlı beynəlxalq təşkilatlara müraciət hazırlanıb.