Azərbaycan, Bakı, 20 avqust /Trend müxbir T. Cəfərov/
Son üç gündə 11 iranlı Xəzərdə boğulub. Boğulma halları əsasən Xəzər sahilində yerləşən Gilan əyalətinin Rəşt, Lahican, Bəndər Ənzəli və Rizvanşəhr şəhərləri ərazində olub. Trend-in məlumatına görə, bu barədə İranın rəsmi telekanalının internet saytı "iribnews" məlumat yayıb.
Məlumata görə, boğulan şəxslərin əksəriyyəti digər şəhərlərdən istirahət üçün dəniz kənarına gəlmiş şəxslər olub. Boğulan şəxlsərdən üçü 8-10 yaşlı uşaq olub.
Məlumata əsasən, çimərlik mövsümü başlayandan indiyədək Gilan əyalətində ümumilikdə Xəzərdə 35 iranlı boğulub. Bu rəqəm ötən illə müqayisədə 14 nəfər çoxdur.