Azərbaycan, Bakı, 17 aprel /Trend, müxbir İ.İzzət/
Xətai rayonu Gəncə prospektində "Mercedes" markalı avtomaşınla 55-60 yaşlı kişi vurulub.
Daxili İşlər Nazirliyinin mətbuat xidmətindən Trend-ə verilən məlumata görə, aprelin 16-da saat 23.45 radələrində Xətai rayonu Gəncə prospektində Bakı şəhər sakini Tural Qəhrəmnov idarə etdiyi "Mercedes" markalı avtomaşınla 55-60 yaşlı kişini vurub. Nəticədə piyada aldığı xəsarətdən hadisə yerində ölüb.
Hələlik piyadanın şəxsiyyətini təyin etmək mümkün olmayıb.
Faktla bağlı Xətai Rayon Polis İdarəsi tərəfindən araşdırma aparılır.