Azərbaycan, Bakı, 14 mart /Trend, müxbir İ.İzzət/
Bakıda "cip"lə sərnişin avtobusunun toqquşması zamanı bir nəfər öləb, bir nəfər yaralanıb.
Trend Daxili İşlər Nazirliyinin (DİN) rəsmi saytına istinadən xəbər verir ki, martın 13-də saat 20 radələrində Qaradağ rayonu ərazisində isə Kəlbəcər rayon sakini Eyvaz Malasovun idarə etdiyi "Toyota-Prado" və Bakı şəhər sakini Nihad Kərimovun idarə etdiyi 157 saylı xətt üzrə hərəkət edən "Daewoo" markalı avtomobillər toqquşub. E.Malasov hadisə yerində ölüb, N.Kərimovun sərnişini - həmyerlisi Elsun Qurbanova xəstəxanada ilkin tibbi yardım göstərilib.
Faktla bağlı cinayət işi açılıb, araşdırma aparılır.