Azərbaycan, Bakı, 13 sentyabr /Trend, müxbir İlkin İzzət/
Bakıda avtomobil akkumulyatorlarını oğurlayan keçmiş məhkum tutulub.
Bakı Şəhər Baş Polis İdarəsinin mətbuat xidmətindən Trend-ə verilən məlumata görə, Yasamal Rayon Polis İdarəsinin 28-ci Polis bölməsi əməkdaşlarının həyata keçirdiyi əməliyyat tədbirləri nəticəsində Rasim Babayev tutulub. R.Babayevin üzərinə baxış keçirilərkən ondan 5,243 qram heroin aşkar olunaraq götürülüb.
O, həmçinin avqustun 31-də paytaxtın Mətbuat prospektində Qəzənfər İmamverdiyevə məxsus "VAZ-21011" və Emin Zeynalova məxsus "VAZ-2103" markalı avtomobillərdən akkumulyator oğurlamaqda şübhəli bilinir.
Qeyd edək ki, R.Babayev əvvəllər də məhkumluq həyatı yaşayıb.