Bakı. Samir Əli - Trend:
Quba rayonunda avtomobildə yanğın olub.
Trend-in məlumatına görə, hadisə rayonun Qımılqışlaq kəndində baş verib.
Kənd sakini, 1990-cı il təvəllüdlü Hüseynov Tofiq Mehman oğluna məxsus 90-LA-845 dövlət qeydiyyat nişanlı "Ford" markalı minik avtomobili hərəkətdə olarkən qəfil yanıb.
Fövqəladə Hallar Nazirliyinin yanğınsöndürmə briqadası hadisə yerinə cəlb edilib. Yanğın söndürülsə də avtomobilin yanar hissələri yanıb.
Faktla bağlı araşdırma aparılır.