Azərbaycan, Bakı, 28 iyun /Trend, müxbir M.Əliyev/
Ermənistan silahlı qüvvələrinin cəbhə xəttində təxribatı davam edir.
Müdafiə Nazirliyinin mətbuat xidmətindən cümə axşamı Trend-ə bildiriblər ki, Erməni silahlı bölmələri dünən və bu gecə Ermənistan Respublikasının İcevan rayonunun Berkaber, işğal olunmuş Füzuli rayonunun Aşağı Əbdülrəhmanlı, Ağdam rayonunun Baş Qərvənd, Cəvahirli və Şurabad; Xocavənd rayonunun Kuropatkino kəndləri yaxınlığında, Goranboy və Daşkəsən rayonlarının ərazisindəki adsız yüksəkliklərdə yerləşən mövqelərdən atəşkəs rejimini pozublar.
Düşmən cavab atəşi ilə susdurulub.