Ukrayna, Kiyev, 23 may/ Trend , müxbir Z.Novosvitski/ Müasir dünyada enerji şantajı kimi anlayışdan getdikcə daha tez-tez istifadə olunur. Bu barədə Ukrayna prezidenti Viktor Yuşşenko bu gün, Kiyevdə Enerji Sammitinin açılışı zamanı nitqində bildirib.
"Enerji təzyiqinə nümunələr demək olar ki, dünya həyatının daimi təzahürü olub, - Yuşşenko bildirib. Avroasiya məkanındakı tendensiyalar bizi birgə planlaşdırılmış hərəkətlərə məcbur edir. Bu hərəkətlər enerji təhlükəsizliyi sahəsində təhdidlərə və çağırışlara qarşı durmalıdır".
Bundna əlavə, Yuşşenko müzakirələr üçün dörd məsələ təklif edib: birinci - xüsusilə Odessa-Brodı neft kəmərinin bazasında Avrasiya neft nəqliyyatı dəhlizi layihəsinin reallaşdırılmasının gedişinə dair əvvəlki sammitdə nail olunmuş razılıqların yerinə yetirilməsi haqqında; ikinci - enerji təhlükəsizliyi sahəsində milli strategiya və layihələr; üçüncü - Baltik-Qara dəniz-Xəzər energetika məkanının yaradılması məsələsi; dördüncü - enerji təhlükəsizliyi sahəsində Aİ-nin siyasəti.
Müəlliflə əlaqə saxlamaq üçün elektron ünvan: [email protected]