Azərbaycan, Bakı, 22 dekabr / Trend , müxbir R.Daraxşan/
Avropa Şurasının Yerli və Regional Hakimiyyətlər Konqressinin nümayəndə heyəti 23 dekabr bələdiyyə seçkilərinədək Azərbaycanın müxalifət liderləri ilə görüşəcəyinə ümid edir. Bu barədə AŞ-nin rəsmi saytında yayılmış məlumatda deyilir.
"Biz təəssüf edirik ki, Konqres nümayəndələrinin Azərbaycanın müxalifət liderləri ilə görüşmək və 23 dekabr bələdiyyə seçkilərinədək vəziyyəti müzakirə etmək imkanı olmayıb. Nümayəndə heyəti müxalifəti dinləmək üçün hazırdır və ölkənin siyasi liderləri ilə sərbəst və açıq diskussiyaya böyük əhəmiyyət verir", - nümayəndə heyətinin başçısı Qaye Doğanoğlu bazar ertəsi deyib.
Doğanoğlu Konqresin nümayəndə heyəti adından müxalifət partiyalarının liderlərinə dekabrın 23-dək nümayəndə heyəti ilə görüşməyi bir daha məsləhət görüb.