Azərbaycan, Bakı, 26 may /Trend/
Norveç Krallığının səfirliyindən Azərbaycan Xarici İşlər Nazirliyinə krallığın Azərbaycanın işğal olunmuş torpaqlarında keçirilmiş "qondarma parlament seçkiləri"nə münasibəti haqqında məktub daxil olub. Məlumatı Azərbaycan XİN-in mətbuat xidməti yayıb.
Sənəddə Norveç Krallığının Dağlıq Qarabağda keçirilmiş "qondarma parlament seçkiləri" ilə əlaqədar ölkəmizin ərazi bütövlüyünü və suverenliyini dəstəklədiyini, münaqişənin sülh yolu ilə ATƏT-in Minsk qrupu çərçivəsində həll olunmasına inam öz əksini tapıb.