Аzərbaycan, Bakı, 16 iyul /Trend, müxbir А.Qasımova/
Polşanın xarici işlər naziri Radoslav Sikorski azərbaycanlı həmkarı Elmar Məmmədyarovla Almatıda ATƏT-in xarici işlər nazirlərinin qeyr-rəsmi sammiti zamanı ikitərəfli görüş keçirəcək, - Polşanın xarici siyasət idarəsinin məlumatında deyilir.
Həmçinin, Polşanın xarici işlər naziri qazax həmkarı Kanat Səudabayevlə görüşəcək.
İyulun 16-17-də Almatıda ATƏT-in xarici işlər nazirlərinin qeyri-rəsmi sammiti təşkil olunacaq. Görüş zamanı "Korfu prosesi" fonunda gələcək Avropa təhlükəsizliyi məsələsi, o cümlədən, münaqişələrin həlli və nizama salınmasında ATƏT-in rolu, insan hüquqları və əsas azadlıqlar, həmçinin, ATƏT-in effektivliyinin artırılması və digər beynəlxalq təşkilatlarla əməkdaşlıq məsələlərinin müzakirəsi gözlənilir.