Bakı. Trend:
“Beynəlxalq Ordu Oyunları - 2017” çərçivəsində Qazaxıstanın Otar hərbi bazasında keçirilən “Snayper həddi” müsabiqəsində silahların qəbulu və atışlara hazırlıq işləri yekunlaşıb.
Azərbaycan Müdafiə Nazirliyindən Trend-ə verilən məlumata görə, yarışlarda iştirak edən Azərbaycan Silahlı Qüvvələrinin snayperləri SVD-S silahından atəş açmaqla öz ustalıqlarını nümayiş etdirəcəklər.
Qeyd edək ki, yarışlarda 17 ölkənin komandası iştirak edir.
Qazaxıstanda keçiriləcək yarışlar avqustun 1-dən 9-dək davam edəcək.