Avqustun 11-də daxili işlər orqanları tərəfindən 25 cinayət faktı qeydə alınıb. Bu barədə Trend ə Daxili İşlər Nazirliyinin (DİN) mətbuat xidmətindən məlumat verilib. Məlumatda göstərilir k, həmin cinayət fatklarından 17-nin üstü açılıb.
Cinayət Məcəlləsinin müxtəlif maddələri üzrə axtarışda olan 13 nəfər həbs edilərək istintaq orqanlarına təhvil verilib.
Gün ərzində 6 yol-nəqliyyat hadisəsi baş verib. Nəticədə 4 nəfər həlak olub, 12 nəfər müxtəlif dərəcəli bədən xəsarətləri alıb.
4 yanğın hadisəsi qeydə alınıb.
Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 6, qanunsuz saxlanılan silah-sursatla bağlı isə 1 fakt müəyyən edilib. Cinayət törətdiklərinə görə ümumilikdə tutulanların sayı 30 nəfər olub.