Noyabrın 6-da keçiriləcək parlament seçkisində Avropa Şurasının 44 nəfərdən ibarət nümayəndə heyəti müşahidə aparacaq. Trend in məlumatına görə, bu barədə kütləvi informasiya vasitələrinə Avropa Şurasının Azərbaycandakı nümayəndəliyinin rəhbəri Mats Lindberq açıqlama verib.
Seçkinin nəticələrinin paralel hesablanması, yəni "exit poll" keçirilməsi ilə bağlı fikrini bildirən Mats Lindberq qeyd edib ki, Azərbaycan ictimaiyyətində bu məsələ ilə bağlı şişirtməyə yol verilir, gərəksiz yerə həyacanlanırlar.
M.Lindberqin sözlərinə görə, "exit-poll" Avropa ölkələrində normal qəbul olunmuş prosesdir və burada heç bir problem yoxdur: "Sadəcə, "exit-poll" aparılarkən müəyyən faiz səhvlər ola bilər.
Amma əgər "exit-poll"la rəsmi məlumatlar arasında ciddi fərqlər olsa, deməli ya "exit-poll" düzgün keçirilməyib, ya da elan olunan nəticələrdə ciddi səhvlər var"-deyə Avropa Şurasının nümayəndəsi bildirib.
