Bakı. Trend:
Fransa polisi oktyabrın 17-də yaşayış xərclərinin artmasına qarşı keçirilən, iğtişaşlar və dağıntılarla müşayiət olunan kütləvi etiraz aksiyaları zamanı 2 397 nəfəri saxlayıb.
Bu barədə Agence France-Presse (AFP) respublikanın Daxili İşlər Nazirliyinin məlumatlarına istinadən xəbər verib.
Nazirliyin məlumatına görə, toqquşmalar nəticəsində polis və jandarm qüvvələrinin 997 əməkdaşı xəsarət alıb, onlardan 7-si ağır yaralanıb.
Qeyd edək ki, oktyabrın 17-də Parisdə və bütün Fransada yanacaq qiymətlərinin artmasına və əhalinin alıcılıq qabiliyyətinin azalmasına qarşı kütləvi nümayişlər keçirildi.
