Bakı. Trend:
Misir Prezidenti Əbdülfəttah Əs-Sisi 2030-cu ildə prezidentlik müddəti başa çatdıqdan sonra vəzifəsindən ayrılmaq niyyətində olduğunu bildirib.
Bu barədə “Dubai Eye” nəşri məlumat yayıb.
Misir lideri bu barədə hərbi akademiyada çıxışı zamanı danışıb.
“Qarşıdakı dövr – mən 2030-cu ili nəzərdə tuturam – prezidentlik müddətimin başa çatması ilə yekunlaşacaq. Bu məsələ qəti şəkildə həll olunub və müzakirə mövzusu deyil”, – deyə Əs-Sisi bildirib.
Qeyd edək ki, Əbdülfəttah Əs-Sisi 1954-cü ildə Qahirədə anadan olub və uzun illər Misir ordusunda xidmət edib. O, 2013-cü ildə prezident Məhəmməd Mursinin hakimiyyətdən uzaqlaşdırılmasından sonra ölkədə əsas siyasi fiqurlardan birinə çevrilib və 2014-cü ilin iyununda prezident kimi and içərək vəzifəsinin icrasına başlayıb.
