Bakı. Trend:
UEFA Çempionlar Liqasının əsas mərhələsində Bakıda “Sabah” və Almaniyanın “Borussiya Dortmund” komandası arasında keçiriləcək III tur oyununa hakim təyinatları açıqlanıb.
UEFA-nın rəsmi saytının bildirdiyinə görə, görüşü İspaniyadan olan hakimlər briqadası idarə edəcək.
Matçın baş hakimi Xavyer Alberola Roxas olacaq. Ona yan xətt hakimləri Alfredo Rodriges Moreno və Karlos Alvares Fernandes kömək edəcəklər. Dördüncü hakim funksiyasını Viktor Qarsiya Verdura yerinə yetirəcək. VAR hakimi Sesar Soto Qrado, onun köməkçisi isə Valentin Qomes olacaq.
Qeyd edək ki, oktyabrın 20-də Bakı Olimpiya Stadionunda keçiriləcək oyun saat 20:45-də start götürəcək.
