Azərbaycan Milli İstiqlal Partiyasının (AMİP) fevralın 16-da İranın Bakıdakı səfirliyi qarşısında piket keçirmək cəhdi baş tutmadı. Trend in məlumatına görə, polis əməkdaşları AMİP-çilərə səfirliyin binasına yaxınlaşmağa imkan vermədilər.
İran səfirliyinin binasının ətrafı piketin təyin olunduğu vaxtdan əvvəl polislər tərəfindən nəzarətə götürülmüşdü. Piketə cəhd göstərən AMİP-in bir neçə nəfər üzvünu polis əməkdaşları səfirliyin yaxınlığında - Bakı Şəhər İcra Hakimiyyətinin binası ilə üzbə-üz tində saxladılar və piketçilərin əllərindəki plakatları aldılar. Aksiyanın qətnaməsinin oxunmasına da imkan verilmədi və 3 nəfər AMİP-çi saxlanılaraq polis bölməsinə aparıldı.
Xatırladaq ki, AMİP Güney Azərbaycanda milli hərəkat fəallarının İran hakimiyyəti tərəfindən təzyiq və repressiyalara məruz qalmasına etiraz edir və güneyli soydaşlarımızın hüquqlarının qorunmasını tələb edir.