Azərbaycan, Bakı, 13 dekabr /Trend, müxbir E.Mehdiyev/
Azərbaycan əhalisinin sayının 2020-ci ilə qədər hər il orta hesabla 1,1 faiz artacağı, 2020-ci ildə isə təxminən 10,2 milyon nəfər təşkil edəcəyi gözlənilir. Trend-in məlumatına görə, bu barədə "Azərbaycan 2020: gələcəyə baxış" İnkişaf Konsepsiyasında qeyd olunur.
Konsepsiyada vurğulanır ki, əhali və onun strukturu ilə bağlı kəmiyyət və keyfiyyət göstəriciləri milli gücün əsas elementlərini təşkil edir və Azərbaycan xalqının genofondunun qorunması, miqrasiya və demoqrafiya kimi məsələlər milli təhlükəsizlik baxımından mühüm əhəmiyyətə malikdir.
Qeyd edək ki, hazırda Azərbaycan əhalisinin sayı 9,3 milyon nəfərdən çoxdur.
