Azərbaycan, Bakı, 1 may /Trend, müxbir İ.İzzət/
Ümummilli lider Heydər Əliyevin xatirəsinə həsr olunmuş atıcılıq turnirində KİV komandalarının mübarizə aparacaqları qruplar bəlli olub.
Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) mətbuat xidmətindən Trend-ə verilən məlumata görə, Dövlət Xidmətinin keçirdiyi ümummilli lider Heydər Əliyevin xatirəsinə həsr edilmiş atıcılıq turniri may ayının 3-də saat 10:00-da "Hərbi Vətənpərvərlik və Mütəxəssis Hazırlığı Mərkəzi" MMC-nin Sabunçu rayon filialında start götürəcək.
Yarışda 3 nəfərdən təşkil olunmuş KİV nümayəndələrindən ibarət komandalar iştirak edə biləcəklər. İki mərhələdə keçiriləcək turnirdə I, II və III yerlərin qalibləri SHXÇDX-nin diplomu və qiymətli hədiyyələrlə mükafatlandırılacaqlar.
Artıq yarışa qoşulan KİV komandaları arasında püşkatma da keçirilib. Püşkatmanın nəticələrinə görə, turnirdə iştirak edən komandalar aşağıdakı qruplarda yarışacaqlar:
I qrup
Trend BİA
Müstəqil İA
QHT xəbər
II qrup
Lider TV
"Palitra" qəzeti
"Reytinq" qəzeti
III qrup
Publika.az
"Olimpə doğru" jurnalı
"Kaspi" qəzeti
IV qrup
"Olaylar" qəzeti
"Xalq Cəbhəsi" qəzeti
AzərTAc
V qrup
Oxu.az
Axar.az
"Olimpiya dünyası" qəzeti
"Mövqe" qəzeti
VI qrup
Vision TV
APA
İnterpress.az