Bakı. Trend:
Azərbaycanda 2030-cu ilə qədər iqlim dəyişikliyi ilə mübarizəni də dəstəkləyəcək dayanıqlı turizm və “Turizm kəndi” konsepsiyası üzrə yeni tənzimləyici çərçivənin yaradılması nəzərdə tutulur.
Bu, Prezident İlham Əliyevin bu gün təsdiqlədiyi "Turizmin inkişafına dair 2026–2030-cu illər üçün Dövlət Proqramı"nda öz əksini tapıb.
Proqrama əsasən, dayanıqlı turizm, o cümlədən turizmdə iqlim fəaliyyəti ilə bağlı tənzimləmə mexanizminin və “Turizm kəndi” konsepsiyası üzrə normativ hüquqi bazanın yaradılması da hədəflənir.
