Azərbaycan, Bakı, 9 oktyabr /Trend, müxbir Rufiz Hafizoğlu/
Türkdilli dövlətlərin ortaq telekanalı "Eurasia Life" noyabrın 15-dən test yayımına başlayacaq. Trend-in məlumatına görə, bu barədə Türkiyənin Anadolu agentliyi xəbər verib.
Məlumata əsasən, telekanal türk, ingilis və rus dillərində yayımlanacaq.
Məlumatda o da qeyd olunur ki, mərkəzi ofisi Türkiyədə yerləşəcək telekanal başda Azərbaycan olmaqla, Qazaxıstan, Qırğızıstan, Özbəkistan, Türkmənistan, Şimali Kipr Türk Cümhuriyyəti və Avropa ölkələrinin media qurumları ilə birgə təkmilləşdirmə proqramları təşkil edəcək.