Bakı. Ləman Zeynalova - Trend:
Fransanın “Naval Group” şirkəti Azərbaycan hökuməti ilə Hərbi Dəniz Qüvvələrinin istifadəsi üçün nəzərdə tutulan dəniz-patrul gəmisinin tikintisi ilə bağlı danışıqlar aparır.
Bu barədə özəl olaraq Trend-ə şirkətdən məlumat verilib.
Məlumatda qeyd olunur ki, OPV 90 gəmisi mülki və hərbi missiyaların yerinə yetirilməsi üçün kompleks imkanlar təqdim edəcək.
Bu gəmilər Azərbaycan Hərbi-Dəniz Qüvvələrinin çevik reaksiya imkanlarını genişləndirəcək:
“Gəmilər “Naval Group” ekspertlərinin iştirakı ilə tamamilə Azərbaycanda gəmiqayırma zavodunda tikiləcək”.
“Naval Group”dan bildiriblər ki, şirkət Azərbaycana tələb olunan təhlükəsizlik və sənaye sərbəstliyi verməklə strateji tərəfdaşlıq təklif edir.