Bakı. Çingiz Səfərli - Trend:
Hazırda Türkiyənin ali təhsil müəssisələrində 25 mindən çox azərbaycanlı tələbə təhsil alır.
Trend-in məlumatına görə, bunu Türkiyənin Azərbaycandakı səfirinin təhsil müşaviri Nihat Büyükbaş "Kosmosda gələcək, gələcəkdə kosmos" adlı tədbirdə çıxışı zamanı deyib.
Onun sözlərinə görə, Azərbaycanda təhsil alan türkiyəli tələbələrin sayı isə 3 mini ötüb.
"Türkiyə ilə Azərbaycanın təhsil əlaqələrinin tarixi böyükdür. Bu əlaqələr hələ Osmanlı dövründə başlayıb və ötən əsrin 90-cı illərindən etibarən sürətlə inkişaf edir" - deyə, o bildirib.