Bakı. Trend:
Son 5 ildə valideynlərini itirmiş, valideyn himayəsindən məhrum olmuş 283 nəfər evlə təmin edilib.
Trend xəbər verir ki, bunu Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin İdarə Heyətinin sədri Vüqar Behbudov qurumun 5 illiyinə dair keçirilən mətbuat konfransında deyib.
O qeyd edib, son 5 ildə yaşı 65-dən yuxarı olan şəxslərə sosial xidmətlər göstərilib:
"3 580 vətəndaşa evdə səyyar xidmət göstərilib. Onların arasında 100 yaşı olan şəxslər var".