Belçika, Brüssel / Trend müxbir R.Tağıyev/ Mayin 14-16 Azərbaycanlı Tələbələrin Avropa Forumu (Forum of Azerbaijani Students in Europe - FASE) Belçikanın paytaxtı Brüssel şəhərində II forum təşkil etməyi nəzərdə tutur. Forumda Avropanın müxtəlif ölkələrindən 100-ə yaxın gəncin iştirakı gözlənilir. Avropa Parlamentinin deputatları, Avropa Komissiyası və bir sıra beynəlxalq təşkilatların təmsilçiləri ilə görüşlər planlaşdırılır. Forumun mövzusu "Futre: Dreaming, Discovering, Designing, Delivering" (Gələcək: xəyallar, aşkarlama, dizayn, çatdırma).
Bundan əlavə 2007 - ci ildə ATAF Alumni şəbəkəsi ilə birgə Almaniya Parlamentində - Bundestaqda (aprel), İngiltərə (iyun) və Fransa parlamentlərində (oktyabr) görüşlər keçirməyi planlaşdırır.
Qeyd edək ki, ATAF 2006-cı il may ayında Avropa Parlamentində keçirilən I Forumun nəticəsi olaraq yaradılıb. ATAF-ın məqsədləri Avropada yaşayan və ya təhsil alan azərbaycanlı gənclərin problemlərinin həlli və təşəbüsslərinin
həyata keçirilməsinə dəstək vermək, Avropanın siyasi, ictimai və təhsil dairələrində, xüsusilə də gənclər arasında Azərbaycanı tanıtiaq və onun maraqlarının müdafiə edilməsi işinə yardım etmək, Azərbaycan gəncləri
arasında Avropada təhsili populyarlaşdırmaq və onları təhsil imkanları və qaydaları haqqında məlumatlandırmaq, Azərbaycanın Avropaya hərtərəfli inteqrasiyasına kömək edəcək təşəbbüsləri dəstəkləmək və həyata keçirmək, Avropada gedən siyasi və iqtisadi inteqrasiya və millətlər arasında sülhün və əməkdaşlığın bərqərar olunması kimi təşəbbüslərdə Azərbaycan gənclərinin
fəal iştirakını təmin etməkdən ibarətdir.
ATAF-a Qəyyumlar Şurası tərəfindən təyin olunan baş katib Vüsal Məmmədov rəhbərlik edir.
ATAF "Gələcək özü gəlməyəcək" devizi altında fəaliyyət göstərir.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
.jpg)
