Azərbaycan, Bakı/ Trend müxbir A.Qasımova/ 4 iyun 2007-ci ildə Almatı şəhərində Qazaxıstan Nüvə Fizikası İnstitutunun 50 illik yubileyinə həsr olunuş 6-cı beynəlxalq "Nüvə və radiasiya fizikası" konfransı öz işinə başlayacaq.
Konfransda Azərbaycan Milli Elmlər Akademiyasının prezidenti Mahmud Kərimov iştirak edəcək.
Konfransda nüvə və radiasiya fizikası ilə bağlı əldə olunmuş son elmi nailiyyətlər, inkişaf etmiş ölkələrin, MDB ölkələrinin aparıcı elmi institusional mərkəzləri ilə əlaqələrin inkişafı, həmçinin regionun ekoloji problemləri ilə bağlı strategiyanın hazırlanması və yeni elmi nailiyyətlərin tətbiqi müzakirə olunacaq.