Azərbaycan, Bakı, 9 sentyabr /Trend/
"Formula-1" yarışları üzrə 7 qat dünya çempionu Mixael Şumaxer Lozannadakı reabilitasiya klinikasından buraxılacaq. Trend-in İTAR-TASS-a istinadən verdiyi məlumata görə, bunu alman idmançının meneceri deyib.
Onun sözlərinə görə, əfsanəvi pilot müalicəni evdə davam etdirəcək.
Xatırladaq ki, ötən il dekabrın 29-da Fransanın Meribel kurort şəhərində xizəklə sürüşən məşhur alman pilot yıxılaraq ağır kəllə-beyin travması almışdı.