Bakı. Trend:
Argentina millisinin kapitanı Lionel Messi yığmadakı gələcəyi haqda danışıb.
Trend-in məlumatına görə, 32 yaşlı hücumçu millidəki karyerasını davam etdirəcəyini bildirib: "Bizi yeni mərhələ gözləyir. Ümid edirəm ki, hörmət görəcəyik. Azarkeşlər komandanın böyüməsinə imkan verməlidirlər. Həqiqətən, oyunçularla yaxşı anlaşdım, gələcəkdə də onlara köməyim lazım olsa, bunu edəcəm".
Qeyd edək ki, 2005-ci ildən Argentina millisində çıxış edən Messinin yığmada karyerasını bitirəcəyi haqda xəbərlər yayılmışdı.