...

Azərbaycan milli komandası Karate1 Premyer Liqa turnirində iştirak edəcək (FOTO)

İdman Materials 14 Fevral 2020 01:31 (UTC +04:00)
Azərbaycan milli komandası 14-16 fevral tarixlərində Birləşmiş Ərəb Əmirliklərinin Dubay şəhərində Karate1 Premyer Liqa turnirində iştirak edəcəklər
Azərbaycan milli komandası Karate1 Premyer Liqa turnirində iştirak edəcək (FOTO)

Bakı. Trend:

Azərbaycan milli komandası 14-16 fevral tarixlərində Birləşmiş Ərəb Əmirliklərinin Dubay şəhərində Karate1 Premyer Liqa turnirində iştirak edəcəklər.

Azərbaycan Milli Karate Federasiyasından Trend-ə verilən məlumata görə, mövsümün 2-ci mərhələsinə Azərbaycan Milli Karate Federasiyasının prezidenti Yaşar Bəşirovun rəhbrliyi ilə 14 idmançı yollanıb. Baş məşqçi Bahəddin Kandaz, böyük məşçqilər Şahin Xudaverdiyev və Rəşad Hüseynov trunirdə kumiteçilərdən Firdovsi Fərzəliyevi (-60 kq), Rafiz Həsənovu və Tural Ağalarzadəni (-67 kq), Rafael Ağayevi (-75 kq), Ayxan Mamayevi, Pənah Abdullayevi və Turqut Həsənovu (-84 kq), eləcə də Nuranə Əliyevanı (-50 kq), İlahə Qasımovanı (-55 kq), İrina Zaretskanı (-68 kq) və Fəridə Əliyevanı (+68 kq) müşayiət edəcək.

Kata üzrə baş məşqçi Vahid Ayvazov isə yalnız Roman Heydərov çıxışına üstünlük verib. Dubay Premyer Liqasını idarə edən referilər arasında beynəlxalq hakimlərimiz Cahangir Babayev və Vüqar Kərimov da olacaq. Nüfuzlu yarışda 85 ölkədən 571 karateçi yarışacaq.

Məqalədə:
Xəbər lenti

Xəbər lenti