Bakı. Trend:
İngiltərə Premyer Liqası 2026/2027 mövsümünün 6-cı turuna "Koventri Siti"-"Nyukasl" matçıyla yekun vurulub.
"Koventri Bildinq Arena" stadionunda keçirilən qarşılaşmanı Lesterdən olan baş hakim Con Bruks idarə edib.
Oyun meydan sahiblərinin 4:1 hesablı qələbəsi ilə başa çatıb. 6-cı dəqiqədə 11 metrlik cərimə zərbəsini dəqiq yerinə yetirən "Koventri"nin yarımmüdafiəçisi Cek Rudoni oyunda hesabı açıb. 48-ci dəqiqədə Sidiki Şerif ikinci topu qonaqların qapısından keçirib. 70-ci dəqiqədə "sağsanlar"ın müdafiəçisi Sven Botman hesab arasındakı fərqi azaldıb. Lakin Frenk Lempardın yetirmələri 81-ci dəqidədə Ellis Sims və 86-cı dəqiqədə Stiven Mfuninin qolları sayəsində böyükhesablı qələbə qazanıblar. Bu, "Koventri Siti"nin mövsümdəki ikinci qələbəsidir.
Beləliklə, 6 turdan sonra "Nyukasl" turnir cədvəlində 8 xalla 11-ci, "Koventri Siti" isə 6 xalla 14-cü yerdədir. Lider isə 18 xalla maksimum nəticə göstərən "Mançester Siti"dir.
Növbəti turda oktyabrın 17-də "Nyukasl" "Aston Villa"nı qəbul edəcək, "Koventi Siti" isə oktyabrın 19-da Londonda "Tottenhem"in qonağı olacaq.
